Мастоўскае раённае спажывецкае таварыства ліквідавала канкурэнта

Адзіная ў Мастах прыватная аўтамыйка апынулася на вуліцы і спыніла сваю працу. Раённае спажывецкае таварыства ў аднабаковым парадку разарвала з ёй дамову на арэнду памяшкання.
Уладальніка аўтамыйкі папярэдзілі аб спыненні дамовы ў сувязі з тым, што райспажыўтаварыства адкрывае на гэтай тэрыторыі сваю аўтамыйку. І гэта нягледзячы на тое, што дамова заканчвалася толькі ў траўні.