Масленка — беларускі карнавал
На жаль, есці мяса ўжо нельга, але яшчэ можна напоўніцу атрымаць асалоду, спажываючы малако, сыр, рыбу, ікру і астатнія прадукты, якія ажно да Вялікадня будуць пад забаронай. Пра асаблівасці свята распавядае этнограф Алена Доўнар-Запольская:
“Масленка — гэта старажытнае свята.
І ў адрозненне ад іншых святаў
амаль што цалкам з’яўляецца
язычніцкім. Наогул, царквой масленка не адзначаецца.
Яна была скарочана нашым патрыярхам. Як паралель
масленкі ідзе карнавал: запуст, мясапуст у немцаў, — яны таксама былі скарочаны да тыднёвага
тэрміну. А сама масленка раней адзначалася амаль што месяц.
Акрамя таго, масленка супадала з сакавіцкім
навалеццем. Такім чынам, праводзячы масленку,ічныя дзяды, якія праходзілі ў суботы.
праводзілі стары год. Масленіцы папярэднічалі масл
Пра продкаў памяталі заўсёды перад кожным святам. Продкі і памяць пра іх у нас у Беларусі займае вельмі значнае месца”.
ДАВЕДКА ЕЎРАРАДЫЁ
Вельмі часта славянскую масленіцу параўноўваюць з
еўрапейскім карнавалам. Насамрэч, сувязь паміж двума абрадамі прагледжваецца ў
іх назвах, італьянскае слова “carnevale”, літаральны перавод якога “бывай, мяса”, перагукаецца з адным з найменняў
масленіцы — “мясапуст”.
З Масленіцай звязана вялікая
колькасць абрадаў. Але самым галоўным і вельмі цікавым лічыўся абрад спальвання
пудзіла. Акрамя яго ў агонь траплялі ўсе старыя непатрэбныя рэчы, якія кожны
прыносіў з хаты.
Гэты момант з’яўляўся своеасаблівай агульнай псіхатэрапіяй.
Таму што спальваючы ўсё старое, людзі лічылі, што з іх хат знікнуць хваробы,
голад і розная нечысць.
А як зараз святкуюць Масленіцу ў
Беларусі? У Мінску святкаванне масленіцы пройдзе традыцыйна. Акрамя раённых
кірмашоў, 18 лютага ў
Беларускім дзяржаўным музеі народнай архітэктуры пройдуць масленічныя забавы.
Дарэчы, праграма мерапрыемства абяцае быць вельмі цікавай і насычанай.
Іншыя гарады Беларусі таксама не
забыліся на гэтае свята. Вось што распавядае нашая карэспандэнтка ў Пінску
Наста Лескавец:
“У Пінску свята гукання вясны
адбудзецца 18 лютага ў гарадскім парку адпачынку. Праграма святкавання
традыцыйная: канцэрт фальклорных калектываў гораду і раёну, тэатралізаваныя замалёўкі, спартыўныя спаборніцтвы, гульні для
дзетак. Калі да дня свята снег не растане, ёсць спадзяванні правесці конкурс снежных фігураў”.
Пройдуць святкаванні і ў
Баранавічах. Рассказвае Алесь Літоўчык:
“У Баранавічах свята масленіцы
адбудзецца ў нядзелю, 18 лютага. У парку будуць працаваць гандлёвыя рады, дзе
жадаючыя змогуць набыць і пасмакаваць і аладкі, і шашлыкі, і іншыя кулінарныя далікатэсы.
Будзе і спальванне
чучала, і канцэрт, які дадуць удзельнікі мастацкай самадзейнасці, пройдуць
конкурсы. А напярэдадні, у суботу, у раёне плануецца правесці баранавіцкую
лыжню. У ёй, па традыцыі,
прыме ўдзел не толькі мясцовае кіраўніцтва, але і адміністрацыя
вобласці”.
А вось у Гродне афіцыйна Масленіцу
адзначаць не будуць. У гарвыканкаме паведамілі, што святкаванне не ўключана ў
план бліжэйшых гарадскіх мерапрыемстваў.
Гарадзенскія студэнты ўсё ж правядуць зіму і збяруцца 5 сакавіка ля
берага Нёмана. У святочнай праграме — гульні, катанне на санках, карагоды і
штурм снежнага гораду.
У
раённых цэнтрах Гродзеншчыны Масленіцу плануецца адзначаць у дамах культуры 4—5
сакавіка, у некаторых гарадах пройдуць святочныя кірмашы.
Бадай, самая яскравая масленічная
падзея у Віцебску — гэта конкурс снегавых скульптур, які праводзіцца ўжо некалькі год запар. Конкурс
праходзіць у пасёлку Руба, што пад Віцебскам, але недахопу ні ва ўдзельніках,
ні ў гледачах не бывае.
Вялізарныя скульптуры — па 3—5 метраў у вышыню! — лепяць не
прафесійныя мастакі, а каманды з працаўнікоў мясцовых прадпрыемстваў. Да масленічнага тыдня на Віцебшчыне прымеркавана
і шмат іншых забаўляльных
мерапрыемстваў.
На выхадныя запланавана культурна-забаўляльная праграма ў парку адпачынку “Мазурына”, а ў нядзелю гасцей запросіць цэнтр
рамёстваў “Задзвінне”, які месціцца ў помніку архітэктуры “Саляныя склады”.
Скончыцца Масленіца ў нядзелю.
Дарэчы, менавіта ў гэты дзень вы атрымаеце
магчымасць папрасіць ва ўсіх прабачэння.
Фота — www.sherengovskie.kiev.ua