Магілёўскага суддзю арыштавалі на працоўным месцы
20 чэрвеня міліцыянты затрымалі на працоўным месцы Магамеда Умарава — намесніка старшыні суда Кастрычніцкага раёна Магілёва.
З апранутымі на рукі кайданкамі яго вывелі з будынку суда. Пра гэта паведамляе праваабарончы сайт "Вясна" са спасылкай на відавочцаў затрымання. Афіцыйная прычына затрымання пакуль невядомая.
Магамед Умараў спецыялізаваўся на крымінальных справах. У раённым суддзе ён працаваў ад пачатку 90-х гадоў.
Магілёўскія праваабаронцы не выключаюць, што прычынай затрымання можа быць атрыманне хабару.
Фота — fedpress.ru
