Лукашэнка: Мяне крытыкуюць — хакей, хакей. Сёння — футбол! (відэа)
Кіраўнік дзяржавы ў суботу ўзяў удзел у адкрыцці "Барысаў-Арэны", новага стадыёна БАТЭ.
У сваёй прамове Аляксандр Лукашэнка адзначыў, што "адкрываем футбольны стадыён", бо "мяне ўвесь час крытыкуюць — хакей, хакей. Сёння — футбол!". Ён прызнаўся, што арэну маглі адкрыць яшчэ ў лістападзе 2013-га, але тады яму стала яе шкада: "Падумаў, калі мы патопчам газон, то давядзецца наноў усё перарабляць".
"Гэты комплекс адпавядае самым высокім стандартам, — цытуе словы Аляксандра Лукашэнкі "Прессбол". — Ён можа прымаць матчы высокіх стадый Лігі чэмпіёнаў і Лігі Еўропы. Больш БАТЭ не давядзецца бадзяцца па чужых стадыёнах, калі клуб будзе добра выступаць на еўраарэне".
Нагадаем, а 19-й гадзіне на "Барысаў-Арэне" пачнецца фінальны матч Кубка Беларусі паміж гродзенскім "Нёманам" і салігорскім "Шахцёрам".
Перад прыездам Лукашэнкі каля "Барысаў-Арэны" біліся фанаты (фота)
Фота — БЕЛТА
