Лукашэнка прызначыў новых памочнікаў па абласцях — усе яны сілавікі
![Новымі памочнікамі Лукашэнкі ў Брэсцкай, Гродзенскай і Мінскай абласцях сталі трое сілавікоў / Белта](/sites/default/files/styles/gallery_main/public/2023-08/000019_1603962146_413160_big.jpg.webp?itok=sSqEdHH3)
Новымі памочнікамі Лукашэнкі ў Брэсцкай, Гродзенскай і Мінскай абласцях сталі трое сілавікоў / Белта
Новымі памочнікамі Лукашэнкі ў Брэсцкай, Гродзенскай і Мінскай абласцях сталі трое сілавікоў:
— Валерый Вакульчык едзе ў Брэст, да гэтага ён займаў пасаду дзяржсакратара Савета Бяспекі;
— экс-міністр унутраных спраў Юрый Караеў — у Гродна;
— былы намеснік кіраўніка МУС Аляксандр Барсукоў застаецца ў Мінску, але ў якасці памочніка Лукашэнкі ў горадзе.
Аляксандр Лукашэнка заявіў, што паўнамоцтвы новых памочнікаў будуць значна шырэй чым раней:
"Традыцыйна застаюцца падбор кадраў на гэтых кірунках, натуральна, разам з губернатарам. І кантроль за дзейнасцю кадраў. Цалкам. Усіх кадраў у галіне. Ад старшыні сельскага савета, кіраўніка прадпрыемства да губернатара", — паведамляе Белта.
Новым міністрам МУС стаў Іван Кубракоў, які займаў да гэтага пасаду кіраўніка ГУУС Мінгарвыканкама. Ці будзе Валерый Вакульчык зняты з пасады дзяржсакратара і замешчаны на новага чалавека — пакуль невядома.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.