Лукашэнка афіцыйна звольніў міністраў будаўніцтва і прамысловасці
Аляксандр Лукашэнка сваім указам звольніў Анатоля Чорнага з пасады міністра архітэктуры і будаўніцтва, а Віталя Ваўка — з пасады міністра прамысловасці. Пра гэта інфармуе tut.by са спасылкай на прэс-службу кіраўніка дзяржавы.
Чыноўнікаў звольнілі з фармулёўкай "за невыкананне даручэнняў прэзідэнта Беларусі па комплексным развіцці Аршанскага раёна і неналежнае выкананне службовых абавязкаў".
Таксама ва ўказе Лукашэнкі таксама гаворыцца, што строгая вымова абвешчаная старшыні Віцебскага аблвыканкама Мікалаю Шарстнёву.
Дзяржаўнаму сакратару Савета бяспекі Станіславу Засю і старшыні Дзяржаўнага ваенна-прамысловага камітэта Алегу Дзвігалёву вынесенае папярэджанне аб няпоўнай службовай адпаведнасці.
Таксама ва ўказе Лукашэнкі ёсць прадпісанне старшыні Віцебскага аблвыканкама вызваліць Аляксандра Пазняка ад пасады старшыні Аршанскага райвыканкама і прызначыць на гэтую пасаду Ігара Ісачэнку.
