Лідары ДНР заявілі, што атрымалі падмацаванне з Расіі
Паводле новага кіраўніка гэтак званай “Данецкай народнай рэспублікі” Аляксандра Захарчанкі, да іх далучылася 1200 байцоў.
Гэтыя людзі прайшлі чатырохмесячнае навучанне ў Расіі. У распараджэнне сепаратыстаў паступілі таксама 30 танкаў і 120 бронемашын. Пра гэта інфармуе “Эхо Москвы”. Напярэдадні паведамлялася, што калона расійскай тэхнікі перайшла мяжу з Украінай, асобна ад “гуманітарнага канвою”, які складаецца з 250 грузавікоў.