Курс долара ў Беларусі 7 лютага вырас
![Курс долара ў Беларусі 7 лютага вырас](/sites/default/files/styles/gallery_main/public/2023-08/aliuta-0702.jpg.webp?itok=OuUENjt1)
У аўторак, 7 лютага, пасля чарговых таргоў на Беларускай валютна-фондавай біржы Нацбанк вызначыў новыя курсы валют. Курс долара ЗША вырас — з 1,9121 да 1,9178 беларускага рубля. Астатнія валюты пайшлі наніз. Курс еўра знізіўся з 2,0557 да 2,0481 рубля, за 100 расійскіх рублёў сёння даюць 3,2409 беларускага рубля (у панядзелак — 3,2563).
Беларускі рубель умацаваўся да кошыка валют на 0,24%.
Як паведамляла Еўрарадыё, 6 лютага курс долара ЗША знізіўся з 1,9267 да 1,9121 беларускага рубля, курс еўра паменшаў ад 2,0724 да 2,0557 рубля.