Купалле на Піншчыне

Апошнім часам гэта старадаўняе свята пераўтварылася ў дзею па масавым спальванні “купальскіх пакрышак” і неабмежаваным ужыванні алкаголя на прыродзе. Але жыхары вёсцы Пінкавічы вырашылі правесці Купалле па сапраўднаму – са спевамі, карагодамі і скокамі праз вогнішча. Асабліва спадабалася імпрэза моладзі, якая, як высветлілася, амаль ня ведала купальскіх традыцый.

Аднак ад сучаснага разумення свята схавацца было цяжка, уздоўж ракі Піна было запалена некалькі “гумовых вогнішчаў”, дым і непрыемны пах ад якіх разносіўся на некалькі кіламетраў.