Кумец: Ніхто не ведае таго, за што і на колькі могуць пасадзіць
Уладзімір Кумец, адзін з сябраў штаба экс-кандыдата ў прэзідэнты Уладзіміра Някляева, цяпер знаходзіцца ў Вільні.
Паводле яго словаў, ён быў на плошчы ў Мінску, але "паспеў з'ехаць з краіны".
Кумец заявіў DELFI, што пасля падзеяў 19 снежня і распачынання ў сувязі з гэтым крымінальнай справы "ніхто не ведае каго, за што і на колькі могуць пасадзіць". Гэтым ён тлумачыць свой ад'езд.
Уладзімір таксама называе пазіцыю Літвы адносна падзеяў у Беларусі "занадта лаяльнай". "Каб неяк паўплываць на рэжым, патрэбныя канкрэтныя крокі, заяваў не дастаткова", — упэўнены ён.
