Кулеба: "Мы перамагаем у бітвах. Але вайна працягваецца"
![Дзмітрый Кулеба / Global Look Press ](/sites/default/files/styles/gallery_main/public/2023-08/756576921481289_0.jpg.webp?itok=9JYDybs4)
Дзмітрый Кулеба / Global Look Press
Украінскім вайскоўцам удалося вызваліць Херсон, але вайна працягваецца, заявіў на саміце краін Паўднёва-Усходняй Азіі ў Камбоджы міністр замежных спраў Украіны Дзмітрый Кулеба. Ён адзначыў, што барацьба за вызваленне Украіны будзе працягвацца.
"Мы перамагаем у бітвах. Але вайна працягваецца", — цытуе словы Дзмітрыя Кулебы расейская служба BBC.
Украінскі міністр заявіў, што кіраўнік расейскага МЗС Сяргей Лаўроў не прасіў яго аб сустрэчы ў рамках саміту: "калі ён гэта зробіць, мы старанна разгледзім просьбу. Няма ніводнай прыкметы, што Расія шчыра вядзе перамовы. Садзіцца за стол для прыгожай фатаграфіі — гэта ўжо было, мы зрабілі гэта, мы паспрабавалі".
На днях украінскія вайскоўцы ўвайшлі ў Херсон. Мінабароны Расіі заявіла, што завяршыла адвод сваіх войскаў на левы бераг Дняпра, а ў Інтэрнэце з'явіліся відэа з ваярамі ВСУ на вуліцах горада.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.