Кубінскім спартсменам дазволілі зарабляць вялікія грошы
Ім цяпер можна пакідаць сабе большую частку прызавых, атрыманых на міжнародных спаборніцтвах.
Таксама ім дазволена заключаць кантракты з замежнымі клубамі. Цяпер спартсмены з Выспы Свабоды будуць атрымліваць да 80% прызавых, што ў пяць разоў перавышае ранейшую норму, перадае ВВС.
Гэтыя змены прапанаваў прэзідэнт краіны Рауль Кастра ў рамках праекту рэформаў. Такім чынам кубінскае кіраўніцтва хоча перадухіліць выпадкі невяртання спартсменаў на радзіму. Гэта асабліва актуальна для кубінскіх бейсбалістаў, якія могуць зарабляць у ЗША мільёны долараў.
