Кошт на расійскі газ для Беларусі ў 2015 годзе вырасце не моцна
Пра гэта заявіў прадстаўнік ад Беларусі ў Савеце Еўразійскай эканамічнай камісіі Сяргей Румас.
Сёлета кошт на расійскі газ для Беларусі складае каля 165 долараў за 1 тысячу кубаметраў. "Кошт не будзе моцна адрознівацца ад 2014 года. Прыкладна такі ж будзе і ў 2015-м", — перадае БЕЛТА словы Румаса.
Беларусь і Расія паралельна рухаюцца да роўнадаходных коштаў на газ. Таму ўсё залежыць ад таго, наколькі Расія будзе рухацца да гэтых коштаў, патлумачыў Румас.
Фота — bigmir.net
