КНДР пагражае ўдарам па Паўднёвай Карэі і ЗША
Улады Паўночнай Карэі заявілі, што нанясуць прэвентыўны ўдар у выпадку "вайсковых правакацый" з боку паўднёвай суседкі і Злучаных Штатаў.
У панядзелак Пхеньян асудзіў нядаўняе пагадненне Вашынгтона і Сеула па стрымліванні паўночнакарэйскай ядзернай пагрозы. Паводле гэтай дамовы, у выпадку небяспекі з боку КНДР ЗША гатовыя аказаць Паўднёвай Карэі любую вайсковую дапамогу, уключна з "ядзерным парасонам", агнявымі ўдарамі звычайнымі сродкамі паражэння і сістэмы Супрацьпаветранай абароны.
Улады КНДР папярэджваюць, што "змова" ЗША і Паўднёвай Карэі "ўзмацняе напружанасць, якая можа перарасці ў ядзерны канфлікт".
"Пры найменшай пагрозе наша армія пачне серыю прэвентыўных удараў на паражэнне", — цытуе заяву РІА "Новости".
Фота — AFP