Кітайскія рабочыя катавалі начальніка-амерыканца: 6 дзён не давалі спаць
Здарэнне адбылося на заводзе амерыканскай кампаніі Specialty Medical Supplies, які месціцца ў прыгарадзе Пекіна.
З мінулай пятніцы некалькі дзясяткаў рабочых утрымлівалі амерыканскага ўпраўляючага Чарльза Старнса. Яны заблакавалі яго офіс, не давалі яму спаць — стукалі ў вокны і свяцілі ў іх пражэктарамі. У чацвер закладніка адпусцілі. Здарылася гэта пасля таго, як кіраўніцтва кампаніі пагадзілася выплаціць усе запазычанасці па зарплаце.
Варта адзначыць, што паліцыя ў канфлікт не ўмешвалася. Яна заявіла, што нічога крымінальнага не адбываецца, гаворка ідзе пра "працоўную спрэчку". Вызваліць закладніка-амерыканца праваахоўнікі нават не спрабавалі.
Фота — parthermedia
