Кітаец заплаціў за Toyota Land Cruiser манетамі па 1 юані (фота)
Грошы з грузавіка гадзіну выгружалі 10 чалавек.
Жыхар кітайскай правінцыі Ляанін заплаціў за Toyota Land Cruiser манетамі па 1 юані. Атрымалася 680 тысяч юаняў, гэта — 109 тысяч долараў. Грошы ў аўтасалон ён прывёз на грузавіку. 1320 скруткаў з манетамі агульнай вагой 4 тоны гадзіну разгружалі 10 чалавек. Частку сумы — 20 тысяч юаняў — мужчына заплаціў папяровымі грашыма.
Кітаец кажа, што працуе на бензакалонцы. На пакупку машыны ён адкладваў чаявыя, якія яму давалі манетамі. Спачатку ён мяняў іх у банку на папяровыя грошы, але пасля яму гэта надакучыла. Цяпер аўтасалону трэба арганізаваць дастаўку манет у банк, інфармуе партал tut.by.
Фота: People's Daily Online
