Кіраўнік Еўрапейскага савета спрабаваў звязацца з Лукашэнкам, але марна
![Кіраўнік Еўрапейскага савета спрабаваў звязацца з Лукашэнкам, але марна](/sites/default/files/styles/gallery_main/public/2023-08/eu-2508.jpg.webp?itok=SvB1JkJP)
Кіраўнік Еўрапейскага савета Шарль Мішэль спрабаваў скантактавацца з Аляксандрам Лукашэнкам, але безвынікова. Пра гэта паведаміла намесніца кіраўніка знешнепалітычнага ведамства ЕС Хельга Шмід.
"Кіраўнік Еўрапейскага савета спрабаваў звязацца з Лукашэнкам, што аказалася немагчымым", — цытуе TUT.by яе словы.
Раней паведамлялася, што з Лукашэнкам спрабавала звязацца Ангела Меркель, каб абмеркаваць сітуацыю ў Беларусі, але ён таксама не пайшоў на кантакт.
Хельга Шмід падкрэсліла, што ЕС асуджае гвалт супраць мірных дэманстрантаў і іх незаконныя затрыманні. Таксама Еўрасаюз не прызнае вынікі прэзідэнцкіх выбараў, якія прайшлі з парушэннямі.
Яна дадала, што ЕС выступае супраць любога знешняга ўмяшання ва ўнутраныя справы Беларусі. Старшыня Еўрапейскага савета Шарль Мішэль ужо размаўляў на гэтую тэму з Уладзімірам Пуціным 18 жніўня. Пуцін, па словах Шмід, прытрымліваецца такой жа пазіцыі.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.