Хакеісты мінскага "Дынама" на выездзе разграмілі "Куньлунь"
!["Дынама-Мінск" выйграла ў "Куньлуня" / Sputnik](/sites/default/files/styles/gallery_main/public/2023-08/dynama-2601_0.jpg.webp?itok=qxpjpG_y)
"Дынама-Мінск" выйграла ў "Куньлуня" / Sputnik
Хакеісты мінскага "Дынама" 26 студзеня гулялі ў гасцях у "Куньлуня" ў рамках чэмпіянату КХЛ. Гульня скончылася разгромнай паразай гаспадароў — 1:5 (0:1, 0:2, 1:2).
Лік у матчы на шостай хвіліне адкрыў Віталь Пінчук. У другім перыядзе Ігар Мартынаў і Данііл Сацішвілі павялічылі адрыў. У апошняй траціне гульні "зубры забілі яшчэ дзве шайбы — адзначыліся Нік Мерклі і Седрык Пакет.
Толькі на апошняй хвіліне гульні гаспадары змаглі "размачыць" лік.
Пасля 56 гульняў "Дынама-Мінск" мае 56 ачкоў і вярнулася ў зону плэй-оф — займае восьмае месца ў табліцы Заходняй канферэнцыі КХЛ.
У суботу, 28 студзеня, "зубры" ў сябе дома прымуць ніжагародскае "Тарпеда".
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.