Камароўка разыгрывае 23 кілаграмы сала
![Сала на Камароўскім рынку / фота "Наша Ніва"](/sites/default/files/styles/gallery_main/public/2023-08/sala1-sauro.jpg.webp?itok=V9BvliSn)
Сала на Камароўскім рынку / фота "Наша Ніва"
Мінскі Камароўскі рынак вырашыў зладзіць у сваім інстаграм-акаўнце незвычайны розыгрыш: у падпісчыкаў ёсць магчымасць выйграць 23 кілаграмы сала. Ці столькі ж кілаграмаў садавіны альбо гародніны.
Такі розыгрыш Камароўка прысвяціла хуткім святам. Праўда, каб выйграць, трэба быць у Мінску, набыць нешта на рынку, ды яшчэ і сфатаграфавацца з прадаўцом, пасля чаго апублікаваць у сябе ў інстаграме здымак.
![Комаровка разыгрывает 23 килограмма сала](/sites/default/files/styles/default_image_paragraph_watermark/public/paragraphs/image/%D0%BA%D0%B0%D0%BC%D0%B0%D1%80%D0%BE%D1%83%D0%BA%D1%83.PNG.webp?itok=mTr8xpux)
Розыгрыш ад Камароўкі / інстаграм-акаўнт рынку
Вынікі розыгрышу абяцаюць падвесці ўжо 7 студзеня. Так што ў патэнцыйных удзельнікаў ёсць час падумаць, дзе ў выпадку перамогі захоўваць такую колькасць прадуктаў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.