Каля Санкт-Пецярбурга паставілі бетонную копію піраміды Хеопса (фота)

У Ленінградскай вобласці Расіі сямейная пара пабудавала зменшаную копію егіпецкай піраміды Хеопса, піша расійскі сайт "Бумага".

Піраміду пабудавалі з бетону — яго спатрэбілася каля 400 тон. Збудаванне дасягае ў вышыню дзевяці метраў. 

Стваральнікі плануюць паставіць цэлы храмавы комплекс, часткай якога стане піраміда. Дарэчы, Яе прысвяцілі Тоту — егіпецкаму богу месяца, мудрасці, ліку і пісання.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.