Каля адміністрацыі прэзідэнта Літвы мужчына пагражаў узарваць сябе (фота)

У сераду, 15 красавіка, ў другой палове дня каля адміністрацыі прэзідэнта Літвы ў Вільні з'явіўся мужчына з валізкай. Ён пагражаў падарваць сябе.

Як інфармуе ru.delfi.lt, работнікам адміністрацыі прапанавалі пакінуць будынак. Прэзідэнта краіны на той час у будынку не было. Паліцыя перакрыла рух на суседніх вуліцах. Быў часткова эвакуяваны Віленскі ўніверсітэт, размешчаны каля адміністрацыі.

Да месца здарэння акрамя паліцыянтаў прыбылі пажарныя і медыкі. З мужчынам пачалі перамовы. Ён не выстаўляў ніякіх патрабаванняў, а проста пагражаў узарваць сябе.

Праз дзве гадзіны пасля пачатку аперацыі супрацоўнікі падраздзялення "Арас", прыкрыўшыся шчытамі, і з браняваным аўтамабілем захапілі мужчыну. Паведамляецца, што супраць яго ўжылі электрашокер.

Пазней высветлілася, што ў 33-гадовага мужчыны не было пры сабе выбухоўкі. Яго псіхічнае стан выклікае падазрэнні, паліцыя ахарактарызавала яго як неадэкватнага.
 
Тым не менш, пакуль што праваахоўнікі пачалі крымінальную справу за тэрарызм.

Фота — delfi.lt