Каб не плаціць падатак, уладальнік сабакі выдаваў яго за... авечку
![Каб не плаціць падатак, уладальнік сабакі выдаваў яго за... авечку](/sites/default/files/styles/gallery_main/public/2023-08/3isp.jpg.webp?itok=c9Yw2WPR)
Каб не плаціць падатак, уладальнік сабакі выдаваў яго за... авечку. Кур'ёзнае здарэнне адбылося ў нямецкім горадзе Ростак. Мужчына некалькі гадоў "маскіраваў" свайго гадаванца пароды іспанская вадзяная. Справа ў тым, што авечку не трэба рэгістраваць у мясцовай ветэрынарнай службе, яна не абкладаецца падаткам, інфармуе ria.ru.
Аднойчы адзін з прахожых папрасіў уладальніка сабакі, які яе выгульваў, паказаць дакументы на жывёлу. Але той заявіў, што гэта — авечка. Такое тлумачэнне здзівіла незнаёмца і той патэлефанаваў у паліцыю. Праваахоўнікі выклікалі ветэрынарнага лекара і ён засведчыў, што перад імі не авечка, а сабака. Немца аштрафуюць. Таксама ён мусіць заплаціць падатак на сабаку за некалькі гадоў.
![Каб не плаціць падатак, уладальнік сабакі выдаваў яго за... авечку](/sites/default/files/paragraphs/image/1478614348.jpg)
Фота: ria.ru