Ірына Экпа-Ума 11 дзён жыла ў хляве з буйваламі і харчавалася жабкамі
Алег Гівоін, брат выкрадзенай
нігерыйскімі баевікамі беларускі Ірыны Экпа-Ума, расказаў “Еўрапейскаму радыё”
пра ўмовы яе ўтрымлівання ў палоне. Ён паведаміў, што звычайная ежа ў вёсцы,
дзе трымалі Ірыну, гэта сырая рыба і жабкі:
Алег Гівоін: “Я проста спытаў
у яе, ці катавалі яе бандыты, можа — білі. Ірына сказала, што — не. Яе выкінулі ў
нейкім рачным раёне за Портам-Харкотам, кіламетрах у 70-ці.
Яна распавяла, што адносіны
да яе былі вельмі дрэнныя, нават жывёльныя. Трымалі яе ў адным хляве разам з
буйваламі. Яшчэ яна абгаварылася, што вельмі ўдзячная аднаму чалавеку, які злітаваўся
над ёю і запарваў нейкія адмысловыя настоі, травяную гарбату.
Па яе словах, ён
разбіраецца ў гэтым, а без яго дапамогі і невядома, як што было б”.
Еўрарадыё: “Алег, ці
расказвала Ірына, як яе ахоўвалі?”
Алег Гівоін: “Ды куды там, калі ў Ірыны нага вісела, як на валаску!”
Нагадаем, што наша суайчынніца знаходзілася ў нігерыйскім палоне з 5 па 17 траўня.
