Ідуць перамовы аб абмене 150 зняволеных-палесцінцаў на 50 закладнікаў-ізраільцян
Тэрарысты ўзялі ў закладнікі дзясяткі ізраільскіх дзяцей / t.me/IsraelinRussian/
Ізраіль і ХАМАС дамаўляюцца праз пасярэднікаў аб вызваленні 50 ізраільскіх закладнікаў у абмен на вызваленне 150 палесцінскіх зняволеных з ізраільскіх турмаў. Пра гэта паведамляе амерыканская тэлекампанія CBS са спасылкай на неназванага высокапастаўленага прадстаўніка ХАМАС. Сцвярджаецца, што гэтая формула — 50 на 150 — ужо зацверджаная. Аднак, са слоў суразмоўцы CBS, бакі яшчэ не дамовіліся аб часовым спыненні агню.
Тэрарысты ХАМАС захапілі закладнікаў падчас нападу на Ізраіль 7 кастрычніка. Мяркуецца, што іх можа быць да 240 чалавек. Пасярэднікамі ў перамовах аб абмене з'яўляюцца Катар і ЗША.
Прэм'ер Ізраіля Біньямін Нетаньяху заявіў у аўторак, што спадзяецца на "добрыя навіны хутка".
