ХК “Дынама” не каментуе магчымую адмену выступу Brutto

Інфармацыя пра адмену выступу Brutto пакуль існуе на ўзроўні чутак. Але катэгарычна абвяргаць яе кіраўнік прэс-службы “Дынама-Мінск” Раман Стронгін не стаў:

Стронгін: “На жаль ніякіх афіцыйных каментароў даць не магу. Пэўна, у панядзелак з’явіцца заява ад клуба”.

Тым часам з афіцыйнага сайта ХК "Дынама" інфармацыя пра выступ рок-гурта ўжо знікла. 

Мастацкім кіраўніком Brutto з’яўляецца Сяргей Міхалок. Яго папярэдні гурт “Ляпіс Трубяцкі” негалосна трапіў у “чорныя спісы” ў 2010 годзе пасля прэзідэнцкіх выбараў.

Нагадаем, раніцай 21 лістапада на сайце мінскага "Дынама" з'явілася навіна пра тое, што першы выступ у Беларусі гурта Brutto адбудзецца 29 лістапада перад пачаткам хакейнага матчу чэмпіянату КХЛ паміж мінскім "Дынама" і заграбскім "Мядвешчакам" на "Мінск-Арэне". Новы праект Сяргея Міхалка павінен быў стаць галоўным элементам перадматчавага шоў.