Хакейны клуб "Дынама" не патлумачыў, чаму адмовіўся ад выступу гурта Brutto
Выступ мусіў адбыцца 29 лістапада на "Мінск-Арэне".
На сайце хакейнага клуба "Дынама-Мінск" з'явілася афіцыйнае тлумачэнне наконт выступу гурта Brutto. Нагадаем, што 20-хвілінны канцэрт планаваўся на 29 лістапада, перад пачаткам матчы "Дынама" і заграбскага "Медвешчака".
Цяпер на сайце ХК "Дынама-Мінск" проста паведамляецца, што прынятае рашэнне памяняць праграму перадматчавага шоў. "У прыватнасці, анансаваны раней выступ гурта Brutto ня адбудзецца. Прыносім прыхільнікам гурта свае прабачэнні", — гаворыцца ў паведамленні.
