Гродзенскіх спявачак зачынілі ў ваўчынай клетцы (фота)
13 мая гродзенскі гурт "17 секунд" выступіў у ваўчынай клетцы.
У гэты дзень салісткі гурта прэзентавалі новую песню "Тук-тук". Для здымак кліпа выкарыстоўвалася пустая вальера.
Тры дзяўчыны, загрыміраваныя пад вядзьмарак, правялі ў клетцы каля 15 хвілін. Музычны калектыў вырашыў такім чынам звярнуць увагу дзяцей і бацькоў на славянскія казкі, знаёмыя з дзяцінства.
У заапарку пайшлі насустрач незвычайнаму жаданню гродзенскай эстрады і дапамаглі ў стварэнні неабходных дэкарацый. Паглядзець выступ змаглі ўсе ахвочыя наведвальнікі заапарка.
