Грамадзянін Латвіі ехаў у Беларусь з пнеўматычным пісталетам і дубінкай

Лідскія памежнікі 6 верасня ў пункце пропуску Беняконі спынілі грамадзяіна Латвіі. Як паведамляе прэс-служба Памежнага камітэта, мужчына ехаў праз мяжу з пнеўматычным пісталетам і дубінкай у машыне.

Рыжанін патлумачыў, што забыў дастаць "набор для самаабароны" з аўтамабіля перад паездкай за мяжу.

Усе прадметы канфіскаваныя і перададзеныя супрацоўнікам міліцыі для правядзення экспертызы. Па гэтым выпадку праводзіцца разбіральніцтва.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.