Гомельскія мытнікі перахапілі 30 тон бульбы, якую спрабавалі вывезці ў Расію
Перахоплены груз / sozhnews.by
Гомельскія мытнікі перахапілі 30 тон бульбы, якую спрабавалі вывезці ў Расію. Яны спынілі для праверкі грузавік. У кіроўцы былі нейкія дакументы на груз, але ў іх быў пазначаны значна меншы аб'ём.
Пачаўся пільны агляд. Высветлілася, што груз, які ў РФ везла фізічная асоба, каштуе каля 10 тысяч долараў. На яго ўсё ж у кіроўцы не было неабходных дакументаў, у прыватнасці, адсутнічаў фітасанітарны сертыфікат. Яму пагражае штраф.
sozhnews.by
