Гітарыст Сяргей Трухановіч пакідае "Краму"
![Гітарыст Сяргей Трухановіч пакідае "Краму"](/sites/default/files/styles/gallery_main/public/2023-08/truchan-1411.jpg.webp?itok=kBMamGmy)
Гітарыст Сяргей Трухановіч пакідае гурт "Крама", дзе ён быў адным з заснавальнікаў і граў 25 гадоў. Паводле неафіцыйнай інфармацыі, паміж Трухановічам і лідарам гурта Ігарам Варашкевічам адбыўся асабісты канфлікт.
Трухановіч плануе заняцца сольнай кар'ерай. Яго першы альбом мае назву "Пункт невяртання".
Апошні выступ Трухановіча з "Крамай" адбудзецца 17 лістапада ў мінскім бары "Каёт". У гэты дзень музыкі прэзентуюць сінгл "Да неба". У яго ўвойдуць аднайменная песня на словы Міхала Анемпадыстава часоў "Бонды", студыйная версія "Стэфка праз 30 гадоў" і новая тэма "Не твая вайна".