Генпракуратура: у ваенкаматы па позвах не з'явілася 5 тысяч прызыўнікоў

Дэфіцыт прызыўнога рэсурсу назіраецца ў апошнія гады ў Беларусі. Паводле звестак Генпракуратуры, калі ў 2007-2008 гадах было 291 тысяча прызыўнікоў, дык сёлета толькі 261 тысяча. У пэўнай ступені гэта выклікана "спробай пераходу на 12-гадовую сярэднюю школу".
Акрамя таго, адзначаецца "пэўная праблема са здароўем прызыўнікоў". Хлопцаў са "стопрацэнтным здароўем" для эліты войска вельмі мала.

Як паведамляе "Интерфакс-Запад", падчас папярэдняй прызыўной кампаніі ў ваенкаматы па позвах не з'явілася больш за 5 тысяч прызыўнікоў.