Вы тут

Гамельчуку прысудзілі год калоніі за фразу "Падпальваем Табакеркі"

Іван Чарнаморчанка

Гамельчука Івана Чарнаморчанку асудзілі на год калоніі агульнага рэжыму. Такі прысуд вынес суддзя Савецкга раёна Гомеля Аляксандр Мохараў, паведамляюць праваабаронцы.

Чарнаморчанку абвінавацілі ў арганізацыі і падрыхтоўцы дзеянняў, якія груба парушаюць грамадскі парадак альбо актыўным удзеле ў іх (ч. 1 арт. 342 Крымінальнага кодэкса). Нагодай стаў яго пост у адным з тэлеграм-каналаў ў 2020 годзе: "Падпальваем Табакеркі!". 

Адвакатка Чарнаморчанкі настойвала, што няма сувязі паміж яго допісам і пашкоджаннямі кіёскаў-"Табакерак". Таксама былі прыведзеныя высновы лінгвістычнай экспертызы, якая не выявіла ў допісе "заклік да распальвання сацыяльнай варожасці".

Але суддзя ўсё адно вынес абвінавачўчы прысуд. 

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.