Галоўнага інжынера "Белпошты" ў Брэсце затрымалі за хабар
У Брэсце міліцыянты затрымалі за хабар галоўнага інжынера Брэсцкага філіяла РУП "Белпошта", паведамляе прэс-служба УУС Брэсцкага аблвыканкама.
Інцыдэнт адбыўся 20 лютага. 46-гадовага супрацоўніка "Белпошты" затрымалі ў ягоным кабінеце пры атрыманні хабару — 200 рублёў. За гэтыя грошы ён мусіў дапамагчы дырэктару аднаго з прадпрыемстваў у правядзенні будаўнічых работ.
Пазней прааахоўнікі выявілі яшчэ некалькі эпізодаў яго супрацьпраўнай дзейнасці.
Паводле звестак аператыўнікаў, прадстаўнікі розных камерцыйных структур, якія ўдзельнічаюць у тэндэрах, мусілі плаціць галоўнаму інжынеру ад 3% да 6% ад сум зробленых работ. Сумы хабару вар'іруюцца ад 1000 да 10 000 рублёў.
Следчы камітэт пачаў на яго крымінальную справу. Мужчыну пагражае да дзесяці гадоў пазбаўлення волі з канфіскацыяй маёмасці і з пазбаўленнем права займаць пэўныя пасады або займацца пэўнай дзейнасцю.
Галоўны інжынер арыштаваны.
