Вы тут

Футбольная зборная Беларусі апусцілася ў рэйтынгу FIFA на 90-е месца

Футбалісты зборнай Беларусі ў пераможным матчы з Казахстанам / Reuters

Футбольная зборная Беларусі апусцілася ў абноўленым рэйтынгу FIFA на тры пазіцыі — на 90-е месца. Цяпер каманда Міхаіла Мархеля знаходзіцца паміж зборнымі Замбіі і Лівана. У кастрычніку яна прайграла грузінам найважнейшы паўфінальны матч плэй-оф за выхад на чэмпіянат Еўропы (0:1), а пасля ў групавым раўндзе Лігі нацый згуляла ўнічыю (2:2) ў гасцях з Літвой і перамагла дома Казахстан (2:0).

Лідары рэйтынгу ранейшыя — зборныя Бельгіі, Францыі і Бразіліі.

fifa.com

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.