Фотафакт: Долар у абменніках прадаюць за 16 050 рублёў
15 988 рублёў – столькі амерыканская валюта каштавала сёння па выніках таргоў на Беларускай валютна-фондавай біржы.
У мінскіх абменніках долары пачалі прадаваць болей чым за 16 тысяч рублёў. Такія курсы абмену карэспандэнт Еўрарадыё ўбачыў у “Беларусбанку”. Такім чынам, амерыканская валюта перакрочыла новую “псіхалагічную мяжу”.
На сённяшніх таргах Беларускай валютна-фондавай біржы долар вырас на 217 рублёў і склаў 15988 беларускіх рублёў.
Нацбанк вызначыць афіцыйныя курсы валют крыху пазней.
