Фінберг: “Гэта быў вобраз не для Еўрабачання. Не толькі ў Аляхно, ва ўсіх"
Журы раcчаравана выбарам пераможцы “Еўрафэсту” ды самім відовішчам. Яны прызналіся Еўрарадыё, што Аляхно не трапляў у ноты, а песні для Еўрабачання не было ні ў каго Учора эксперты выбралі з чатырох прэтэндэнтаў таго, хто будзе прадстаўляць Беларусь на “Еўрабачанні-2008”. Як даведалася Еўрарадыё, Руслан Аляхно перамог Gunesh з лікам 7:2. Гурты "Litеsоund" i "По глазам", па меркаванні журы, наогул не разглядаліся як варыянты, таму што яны нібыта… нефарматныя.
Еўрарадыё датэлефанавалася да старшыні журы Міхаіла Фінберга, каб даведацца, што ж тады за “спрэчкі не на жарт” былі паміж экспертамі.
Міхаіл Фінберг: “У прынцыпе, мы выбіралі паміж двума прэтэндэнтамі — паміж Gunesh і, як жа яго прозвішча… э… Аляхно. За Аляхно было 7 чалавек, а 2 было супраць”.
Дык чаму ж спрачаліся? Другі сябра журы Леанід Шырын гаворыць, што журы было незадаволена абодвума фаварытамі:
Леанід Шырын: “Наколькі я зразумеў, Руслану накруцілі гук. Наогул, артыст яго класу можа пры жывым выкананні песні ўзяць некалькі няўпэўненых нот. Гэта звычайная справа, і назіраецца практычна ва ўсіх. Але ж учора ён спяваў больш незадавальняюча, чым звычайна”.
Незадавальненні ў бок Gunesh былі крыху іншага кшталту. Калі ў вакальным плане спявачка справілася больш-менш добра, нумар яе, па словах Леаніда Шырына, быў крыху манатонны:
Леанід Шырын: “Да Gunesh былі прэтэнзіі па пастаноўцы нумару, усё было зроблена манатонна”.
Дарэчы, сама Gunesh публічна на вачах журналістаў выказала ў вочы пераможцу ўсё, што думае пра яго спевы: “Руслан, я вельмі добра стаўлюся да цябе, але хачу запытацца. Вось я ўжо некалькі разоў слухаю тваю фінальную песню, у мяне абсалютны слых. Скажы: чаму ты заўсёды спяваеш міма касы? Калі ж ты, Русланчык, пачнеш трапляць у ноты?”
Па словах Міхаіла Фінберга, другія два прэтэндэнты — "Litеsоund" i "По глазам" — наогул у галасаванні ўжо не разглядаліся. Маўляў, фармат не той. Аднак пад канец размовы дырыжор прызнаўся, што і Руслан з Gunesh не зусім падыходзяць для еўрапейскага конкурсу:
Міхаіл Фінберг: “Гэта быў вобраз не для “Еўрабачання”, разумееце? Не толькі ў Аляхно, ва ўсіх іх. Гэта не зроблена так, як бы нам хацелася. Мы ўжо сталі ў гэтым конкурсе граматнымі, ужо наглядзеліся вельмі шмат. Павінен быць вобраз, які адпавядае той драматургіі песні, якую выконвае саліст. І каб у гэтым выбразе былі абавязкова элементы навізны. Гэта складанае выпрабаванне. У гэтым і ёсць складанасць мастацтва. Мы звычайна абмяркоўваем фанаграму, а гэта жывое выкананне…”
Не менш расчараваны за Фінберга і другі сябра журы Леанід Шырын:
“Часта бывала такое, што артыст спяваў не вельмі добра, як і нашыя спявакі, але ж песня ўсё роўна была заўважнай. Дык вось такой песні, па меркаваннях журы, ні ў кога няма. Шчыра кажучы, я ўчора быў больш расчараваны канкурсантамі, чым працай журы. Я б не сказаў, што ўсе песні былі менавіта “туды”.
Атрымліваецца, у выніку ў беларусаў няма не толькі выканаўцы, але і песні.
Фота з http://toxaby.livejournal.com
Еўрарадыё датэлефанавалася да старшыні журы Міхаіла Фінберга, каб даведацца, што ж тады за “спрэчкі не на жарт” былі паміж экспертамі.
Міхаіл Фінберг: “У прынцыпе, мы выбіралі паміж двума прэтэндэнтамі — паміж Gunesh і, як жа яго прозвішча… э… Аляхно. За Аляхно было 7 чалавек, а 2 было супраць”.
Дык чаму ж спрачаліся? Другі сябра журы Леанід Шырын гаворыць, што журы было незадаволена абодвума фаварытамі:
Леанід Шырын: “Наколькі я зразумеў, Руслану накруцілі гук. Наогул, артыст яго класу можа пры жывым выкананні песні ўзяць некалькі няўпэўненых нот. Гэта звычайная справа, і назіраецца практычна ва ўсіх. Але ж учора ён спяваў больш незадавальняюча, чым звычайна”.
Незадавальненні ў бок Gunesh былі крыху іншага кшталту. Калі ў вакальным плане спявачка справілася больш-менш добра, нумар яе, па словах Леаніда Шырына, быў крыху манатонны:
Леанід Шырын: “Да Gunesh былі прэтэнзіі па пастаноўцы нумару, усё было зроблена манатонна”.
Дарэчы, сама Gunesh публічна на вачах журналістаў выказала ў вочы пераможцу ўсё, што думае пра яго спевы: “Руслан, я вельмі добра стаўлюся да цябе, але хачу запытацца. Вось я ўжо некалькі разоў слухаю тваю фінальную песню, у мяне абсалютны слых. Скажы: чаму ты заўсёды спяваеш міма касы? Калі ж ты, Русланчык, пачнеш трапляць у ноты?”
Па словах Міхаіла Фінберга, другія два прэтэндэнты — "Litеsоund" i "По глазам" — наогул у галасаванні ўжо не разглядаліся. Маўляў, фармат не той. Аднак пад канец размовы дырыжор прызнаўся, што і Руслан з Gunesh не зусім падыходзяць для еўрапейскага конкурсу:
Міхаіл Фінберг: “Гэта быў вобраз не для “Еўрабачання”, разумееце? Не толькі ў Аляхно, ва ўсіх іх. Гэта не зроблена так, як бы нам хацелася. Мы ўжо сталі ў гэтым конкурсе граматнымі, ужо наглядзеліся вельмі шмат. Павінен быць вобраз, які адпавядае той драматургіі песні, якую выконвае саліст. І каб у гэтым выбразе былі абавязкова элементы навізны. Гэта складанае выпрабаванне. У гэтым і ёсць складанасць мастацтва. Мы звычайна абмяркоўваем фанаграму, а гэта жывое выкананне…”
Не менш расчараваны за Фінберга і другі сябра журы Леанід Шырын:
“Часта бывала такое, што артыст спяваў не вельмі добра, як і нашыя спявакі, але ж песня ўсё роўна была заўважнай. Дык вось такой песні, па меркаваннях журы, ні ў кога няма. Шчыра кажучы, я ўчора быў больш расчараваны канкурсантамі, чым працай журы. Я б не сказаў, што ўсе песні былі менавіта “туды”.
Атрымліваецца, у выніку ў беларусаў няма не толькі выканаўцы, але і песні.
Фота з http://toxaby.livejournal.com
