Пра перамогу без перамогі: на Берлінале паглядзелі карціну пра беларускі пратэст
![Гледачы фільма "Кураж" Аляксея Палуяна / Facebook](/sites/default/files/styles/gallery_main/public/2023-08/199623135_3950145185021300_833638205084181677_n.jpg.webp?itok=hMhT6Ahv)
Гледачы фільма "Кураж" Аляксея Палуяна / Facebook
Стужку “Смеласць” беларускага рэжысёра Аляксея Палуяна паказалі на Берлінале ў Германіі. Галоўныя героі фільма — акторы Беларускага свабоднага тэатра.
Святлана Ціханоўская, нобелеўская лаўрэатка па літаратуры Святлана Алексіевіч, сястра Марыі Калеснікавай Таццяна Хоміч былі сярод гасцей паказу.
“Ва ўсіх адчуванне, што гэта пераможнае кіно, а перамогі не здарылася. Нам было цяжка глядзець пэўныя моманты”, — пракаментаваў карціну ў інтэрв'ю Deutsche Welle актывіст і рэжысёр Зміцер Чарткоў.
Раней беларускія карціны ў на гэтым прэстыжным міжнародным фэсце не дэманстравалі. Сёлета Берлінале праводзіцца ўжо ў 71-ы раз. З 9 па 20 чэрвеня гледачы будуць знаёміцца з карцінамі ў 16 кіназалах пад адкрытым небам.
Аляксей Палуян — аўтар карціны “Возера радасці”, знятай па матывах аднайменнага рамана пісьменніка Віктара Марцінавіча, і дакументальнай стужкі “Край жанчын”.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.