Еўрасаюз ухваліў новую сістэму кантролю за межамі
Яна спросціць працэс узаемадзеяння паміж пагранічнымі службамі розных краінаў Шэнгенскай зоны, а таксама з памежнікамі трэціх краін.
Новая сістэма пачне дзейнічаць са снежня. У прыватнасці, яна ўзмоцніць кантроль на знешніх марскіх і наземных межах Шэнгенскай зоны.
Новая сістэма памежнага кантролю павінна будзе з аднаго боку дазволіць скараціць прыток нелегальных мігрантаў. З іншага боку, яна дапаможа ратаваць парушальнікаў мяжы, каб пазбягаць трагедый накшталт крушэння судна з мігрантамі каля італьянскага вострава Лампедуза, паведамляе сайт Памежнага камітэта Беларусі.
Фота: zn.ua.