Эканамічны суд Мінска пачаў вытворчасць па справе аб банкруцтве кампаніі “Серж”
Эканамічны суд Мінска пачаў вытворчасці па справе аб банкруцтве кампаніі “Серж” — буйнога вытворцы бялізны. Як паведамляе БЕЛТА, дата пачатку вытворчасці па справе — 9 сакавіка, абарончы перыяд працягнецца да 9 чэрвеня.
Кампанія “Серж”, якая належыць бізнесмену Сяргею Атрошчанку, займаецца пашывам мужчынскай і жаночай бялізны. Падзенне адбывалася вельмі рэзка: у 2014 годзе “Серж” выйшаў на еўрапейскі рынак і адчыніў некалькі сваіх крамаў у Эстоніі, Літве і Аўстрыі, а ў другой палове мінулага года трапіў у лік неплацельшчыкаў у бюджэт. Колькасць працоўных месцаў скарацілася ў кампаніі ў сем разоў. Кіраўнік прадпрыемства ў ранейшых сваіх заявах казаў, што праблемы “Сержа” ўзніклі на фоне агульнага крызісу ў беларускай эканоміцы.
