Дырэктара дзяржкампаніі абвінавачваюць у незаконнай выдачы пазыкі сыну
![МУС кажа, што мужчына выдаткаваў грошы на сябе / Еўрарадыё](/sites/default/files/styles/gallery_main/public/2023-08/glavnaya_253.jpg.webp?itok=PsaPQEuN)
МУС кажа, што мужчына выдаткаваў грошы на сябе / Еўрарадыё
Кіраўніка дзяржарганізацыі, 68-гадовую мінчанку, затрымалі аператыўнікі і пракуратура за фінансавыя махінацыі.
— Будучы кіраўніком дзяржарганізацыі, жанчына ў парушэнне ўстаноўленага парадку заключыла дамову аб выдачы беспрацэнтнай пазыкі ў 55 тысяч рублёў на 10 гадоў прыватнай футбольнай школе. Устаноўлена, што дырэктар названай школы — сын падазраванай, які выдаткаваў атрыманыя сродкі на асабістыя патрэбы, — піша прэс-служба МУС.
МУС ацэньвае гэта як шкоду сваёй кампаніі ў асабліва буйным памеры. На жанчыну завялі крымінальную справу за перавышэнне ўлады, якое пацягнула цяжкія наступствы.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.