Двух віцебскіх міліцыянтаў звольнілі за выраб самагону
![Двух віцебскіх міліцыянтаў звольнілі за выраб самагону](/sites/default/files/styles/gallery_main/public/2023-08/samahon-1601.jpg.webp?itok=peV5wmvb)
У 2017 годзе двух супрацоўнікаў віцебскай міліцыі злавілі на вырабе і продажы самагону. Абодвух аштрафавалі па максімуме і звольнілі. Пра гэта распавёў начальнік УУС Віцебскага аблвыканкама Іван Кубракоў, перадае БЕЛТА.
Начальнік віцебскай міліцыі заявіў, што яны надаюць вялікую ўвагу павышэнню даверу з боку насельніцтва.
Разам з тым служба ўласнай бяспекі міліцыі абараняе супрацоўнікаў ад неабгрунтаванай дыскрэдытацыі. Напрыклад, летась у інтэрнэце з'явіліся відэаролікі з абразлівым кантэнтам на адрас міліцыянтаў з Ушачаў. Праверка выявіла, што ролікі рабілі тры жыхары райцэнтра. На іх склалі адміністрацыйныя пратаколы за абразу і паклёп, якія разглядаюцца ў судзе.