Два польскія вайскоўцы атрымалі раненні на мяжы з Беларуссю
На польска-беларускай мяжы / twitter.com/terytorialsi
Два вайскоўцы атрымалі напярэдадні раненні на польска-беларускай мяжы, паведамляе Памежная служба Польшчы. Паведамляецца пра тры групы мігрантаў, якія спрабавалі прарвацца на тэрыторыю краіны з Беларусі. У адной было каля 30 чалавек, у другой — каля 20, у трэцяй — яшчэ 11 чалавек.
Усяго ўчора беларуска-польскую мяжу спрабаваў незаконна перасекчы 71 чалавек.
Пра тое, што міграцыйны крызіс не вырашаны, казаў днямі прэм'ер-міністр Польшчы Матэвуш Маравецкі. "Кожную ноч у нас атакі", — адзначаў ён па выніках сустрэчы з канцлерам ФРГ Олафам Шольцам. На гэтай сустрэчы абмяркоўваліся і магчымыя новыя санкцыі супраць Мінска. Сёння гэтая тэма таксама будзе на парадку дня саміта кіраўнікоў ЕС.
Kolejne nielegalne przekroczenie granicy udaremnione. Schemat działania podobny do poprzednich. Migranci wykorzystali kładkę rzuconą na ogrodzenia tymczasowe oraz obrzucali kamieniami żołnierzy. Zdarzenie odbywało się pod ścisłym nadzorem służb białoruskich. #granica #Czeremcha https://t.co/JCgVmAJueU pic.twitter.com/ogchAJ1mN0
— Ministerstwo Obrony Narodowej (@MON_GOV_PL) December 16, 2021
