Даішнікі затрымалі кіроўцу Honda, у машыне якога загінулі два пасажыры (фота)
Супрацоўнікі ДАІ затрымалі Валянціна Сянько, якога шукалі ў рамках крымінальнай справы. Пра гэта інфармуе onliner.by са спасылкай на афіцыйнага прадстаўніка Упраўлення Следчага камітэта па Мінску Аляксандра Герасімава.
Па словах праваахоўнікаў, затрыманага змясцілі на лячэнне ў лякарню. Там выстаўлены пост аховы. Следчыя дзеянні з яго ўдзелам будуць улічваць медыцынскія паказанні яго фізічнага стану.
Як паведамляла Еўрарадыё, аварыя адбылася позна ўвечары 25 верасня на Партызанскім праспекце ў Мінску. Аўтамабіль Honda выехаў за межы праезнай часткі і сутыкнуўся з ліхтарным слупом. Пры аварыі на месцы памерлі двое пасажыраў: 39-гадовы мужчына і 23-гадовая дзяўчына. Яшчэ адзін 32-гадовы пасажыр шпіталізаваны. Кіроўца Honda з месца аварыі ўцёк.
Фота: onliner.by
