Да ўдзелу ў Алімпійскіх гульнях хочуць дапусціць нейтральных расіян і беларусаў

Алімпійскія гульні ў 2024 годзе могуць “па-сапраўднаму аб'яднаць увесь свет”. Так мяркуе прэзідэнт Міжнароднага алімпійскага камітэта Томас Бах. Ён выказаўся за тое, каб да ўдзелу ў алімпіядзе  дапусцілі расіян і беларусаў, якія знаходзяцца ў нейтральным статусе. Ён дадаў, што МАК працуе над гэтым.

"Цяпер мы прыкладаем усе намаганні, каб выканаць місію, прапанову алімпійскага руху, вярнуўшы спартсменаў з расійскімі ці беларускімі пашпартамі на міжнародныя спаборніцтвы”, — сказаў ён.

Бах лічыць, што “любы байкот пакарае толькі іх уласных спартоўцаў і пазбавіць іх народ магчымасці ганарыцца сваімі спартоўцамі за іх алімпійскія выступы".