Часопіс Time назваў чалавекам года спявачку Тэйлар Свіфт
Тэйлар Свіфт — чалавек года / Time
Спявачка Тэйлар Свіфт стала чалавекам года паводле версіі часопіса Time. Яна абышла Пуціна, Сі Цзіньпіна і Барбі.
33-гадовая Тэйлар Свіфт — адна з самых прадаваных музыкаў у свеце і самая папулярная спявачка на Spotify.
Некалькі тыдняў таму яна, паводле ацэнкі Bloomberg, стала мільярдэркай: даход спявачкі перавысіў 1 мільярд долараў пасля канцэртнага туру Eras — самага маштабнага ў яе кар'еры.
Першыя альбомы Тэйлар Свіфт былі напісаныя ў стылі кантры-поп (Fearless). У 2014-м яна выпусціла поп-альбом "1989", які пазначыў адыход ад кантры. А дыск Reputation, які выйшаў праз тры гады, стаў бестселерам і ўзначаліў хіт-парады ЗША, Канады, Вялікабрытаніі ды іншых краін.
Пазней спявачка запісала альбом Lover, Folklore, Evenmore, Midnights.
