"Час сэканд-хэнд" Алексіевіч увайшоў у тройку найлепшых кніг XXI стагоддзя
![Святлана Алексіевіч і "Час сэканд-хэнд"](/sites/default/files/styles/gallery_main/public/2023-08/aleksievich2309.jpg.webp?itok=yGA5v99t)
Святлана Алексіевіч і "Час сэканд-хэнд"
Кніга "Час сэканд-хэнд" беларускай пісьменніцы Святланы Алексіевіч заняла трэцяе месца ў топ-100 лепшых твораў XXI стагоддзя, складзеным брытанскім выданнем The Guardian. "Незабыўная кніга, якая з'яўляецца адначасова актам катарсісу і глыбокай дэманстрацыяй спагады", — напісалі пра яе складальнікі рэйтынга.
"Час сэканд-хэнд" — пятая і апошняя кніга з цыклу "Галасы утопіі". Яна апублікаваная ў 2013 годзе, а ў 2016 годзе пераведзена Бэлай Шаевіч на ангельскую мову. Паміж гэтымі падзеямі — Нобелеўская прэмія па літаратуры, якую Святлана Алексіевіч атрымала ў 2015-м.
На другое месца The Guardian паставіў раман "Галаад" (2004) амерыканскай пісьменніцы Мэрылін Робінсан, адзначаны Пулітцэраўскай прэміі. Першае месца ў рэйтынгу займае раман "Ваўчыная зала" (2009) Хілары Мантэл, за які пісьменніца атрымала Букераўскую прэмію.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.