Чаму Ціханоўскую ў 2020-м вывезлі менавіта ў Літву? Экс-кіраўнік МЗС патлумачыў
![Лінас Лінкявічус](/sites/default/files/styles/gallery_main/public/2023-11/131069-78932-1287x836.jpg.webp?itok=G3z7o4vr)
Лінас Лінкявічус / LRT
У жніўні 2020-га, пасля доўгай "размовы" з топ-сілавікамі ў кабінеце кіраўніцы ЦВК Лідзіі Ярмошынай з Беларусі вывезлі Святлану Ціханоўскую. Вывезлі да літоўскай мяжы. Чаму менавіта туды?
"Мы [Літва] выдавалі гуманітарныя візы многім, вельмі многім — тым, каго маглі пераследаваць. У тым ліку і Ціханоўскай. І яе дзеці ўжо былі ў Літве — гэта галоўная прычына, чаму яна тут апынулася", — патлумачыў у інтэрв'ю "Свабодзе" экс-кіраўнік літоўскага МЗС Лінас Лінкявічус.
Як кажа міністр, Ціханоўская сама назвала Літву беларускім сілавікам, калі стала зразумела, што ёй давядзецца пакінуць краіну.
У першыя дні ў Літве, успамінае Лінкявічус, у Святланы "не было вялікага энтузіязму рвацца ў палітычную дзейнасць". Але потым яна прыняла адваротнае рашэнне.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.