Чаму беларускую фабрыкантку назвалі Дакотай?
Беларуска Маргарыта Герасімовіч, ака Дакота, адчувае сябе на “Фабрыцы” добра, выконвае ўсе патрабаванні прадзюсара і ніколі не пакідае свайго грэмліна. Словы прадзюсара – закон. І якім бы крэатыўным і таленавітым ты ні быў, калі ты ўсё ж такі хочаш быць знакамітым, ты павінен быць больш мэйнстрымавым, ісці насуперак сваім амбіцыям.
У Маргарыты Герасімовіч ўжо былі два шанцы паказаць сябе на канцэртах. І трэба сказаць, што скарыстала яна іх няблага. Як першы выступ з Грыгорыем Лепсам, так і другі з гуртом “Токіо” не маглі не ўразіць. Зараз спявачка рыхтуецца да новага нумару.
Дык як жа Дакоце жывецца ў “зорным доме”?
Еўрарадыё датэлефанавалася ў Маскву і паразмаўляла з рэжысёрам-пастаноўшчыкам шоў Андрэем Сычовым, які падзяліўся першымі уражаннямі пра Дакоту:
“Зараз мы вывучаем адзін аднаго. Пакуль не вельмі лёгка. Але я думаю, што яна хутка раскрыецца. Яна крыху саромеецца і не заўсёды давярае. Але з часам гэта пройдзе. Такія ж праблемы ва ўсіх на “Фабрыцы”.
У сярэдзіне лета Еўрарадыё размаўляла з Маргарытай. З інтэрв’ю было відавочна, што Маргарыта выбіваецца са стандартаў. Зразумела, што падбіраць ёй выканаўцаў задача не з простых. Сама ж Дакота, на жаль, не можа ўдзельнічаць у выбары музыкаў. Распавядае Андрэй Сычоў:
“У яе функцыі гэта не ўваходзіць. Існуе музычны прадзюсар, які бачыць кожнага персанажа па-свойму. Погляд збоку куды больш важны, чым тое, як Маргарыта сама сябе разумее. Безумоўна, матэрыял выбіраўся спецыяльна пад яе. Ён ёй быў прыемны і быў ухвалены. Але дыктаваць свае ўмовы і раіць выканаўцаў можа толькі музычны прадзюсар”.
На гэтым тыдні ў Маскву плануе паехаць маці Дакоты. Еўрарадыё паразмаўляла са Святланай Герасімовіч. Дарэчы, яна да гэтага часу дакладна не ведае, ці атрымаецца ў яе сустрэцца з Маргарытай:
“Пакуль яшчэ дакладна не ведаю, ці сустрэнемся мы. Я абавязкова зайду ў аргкамітэт, там ёсць інфармацыйнае бюро – там і даведаюся. Але, канешне, нам бы вельмі хацелася яе ўбачыць”.
Паедзе туды яна не з пустымі рукамі:
“Яна вельмі любіць маю піцу. Можа, я ёй зраблю хатніх чабурэкаў. Яна вельмі любіць чабурэкі. Але, канешне, зараз вельмі абмяжоўвае сябе ў мучных вырабах. Можа быць, мы яе парадуем сушы. Канешне, я абавязкова што-небудзь прыгатую”.
Адкуль узяўся такі псеўданім – Дакота?
“Яна вельмі доўга думала, як ёй назваць сябе ў творчым жыцці. Потым яна неяк напаткала ў Інтэрнэце гэты псеўданім, які з партугальскай азначае “разнастайная, шматгранная і незвычайная”. Гэта ёй вельмі спадабалася”.
Напэўна, вы вельмі хвалюецеся, не страшна было адпускаць Маргарыту ў Маскву?
“Я заўсёды падтрымліваю яе ў яе жаданнях. Таму што яна вельмі творчая дзяўчынка, з вялікай працаздольнасцю. Яна з 10 год выдумляла свае песні. Іх у яе дастаткова шмат. І калі я ўчытывалася ў яе вершы, я адразу зразумела, што яна чалавек не па-дзіцячы разумны. Таму што тэксты яе песень цалкам філасофскія. Зараз такі першы іспыт. Мы з ёй вельмі блізкія. Калі я зараз бачу яе твар у Інтэрнэце, ён, канешне, крыху сумны. Цяжка ёй было ад мяне адарвацца, а мне цяжка без яе – мы як адзінае цэлае”.
У “зорны дом” Маргарыта паехала не адна. Як распавяла маці спявавачкі, з Маргарытай заўсёды яе талісман:
“Грэмлін, і завуць яго Грыша. Гэты грэмлін аб’ехаў з ёй увесь свет. Гэта яе талісман з самага дзяцінства. Ён прыносіць ёй шчасце і поспех. І зараз ён з ёй”.
Застаецца пажадаць Маргарыце поспехаў і рэалізацыі ўсіх яе творчых планаў.
Фота — Svetozar
У Маргарыты Герасімовіч ўжо былі два шанцы паказаць сябе на канцэртах. І трэба сказаць, што скарыстала яна іх няблага. Як першы выступ з Грыгорыем Лепсам, так і другі з гуртом “Токіо” не маглі не ўразіць. Зараз спявачка рыхтуецца да новага нумару.
Дык як жа Дакоце жывецца ў “зорным доме”?
Еўрарадыё датэлефанавалася ў Маскву і паразмаўляла з рэжысёрам-пастаноўшчыкам шоў Андрэем Сычовым, які падзяліўся першымі уражаннямі пра Дакоту:
“Зараз мы вывучаем адзін аднаго. Пакуль не вельмі лёгка. Але я думаю, што яна хутка раскрыецца. Яна крыху саромеецца і не заўсёды давярае. Але з часам гэта пройдзе. Такія ж праблемы ва ўсіх на “Фабрыцы”.
У сярэдзіне лета Еўрарадыё размаўляла з Маргарытай. З інтэрв’ю было відавочна, што Маргарыта выбіваецца са стандартаў. Зразумела, што падбіраць ёй выканаўцаў задача не з простых. Сама ж Дакота, на жаль, не можа ўдзельнічаць у выбары музыкаў. Распавядае Андрэй Сычоў:
“У яе функцыі гэта не ўваходзіць. Існуе музычны прадзюсар, які бачыць кожнага персанажа па-свойму. Погляд збоку куды больш важны, чым тое, як Маргарыта сама сябе разумее. Безумоўна, матэрыял выбіраўся спецыяльна пад яе. Ён ёй быў прыемны і быў ухвалены. Але дыктаваць свае ўмовы і раіць выканаўцаў можа толькі музычны прадзюсар”.
На гэтым тыдні ў Маскву плануе паехаць маці Дакоты. Еўрарадыё паразмаўляла са Святланай Герасімовіч. Дарэчы, яна да гэтага часу дакладна не ведае, ці атрымаецца ў яе сустрэцца з Маргарытай:
“Пакуль яшчэ дакладна не ведаю, ці сустрэнемся мы. Я абавязкова зайду ў аргкамітэт, там ёсць інфармацыйнае бюро – там і даведаюся. Але, канешне, нам бы вельмі хацелася яе ўбачыць”.
Паедзе туды яна не з пустымі рукамі:
“Яна вельмі любіць маю піцу. Можа, я ёй зраблю хатніх чабурэкаў. Яна вельмі любіць чабурэкі. Але, канешне, зараз вельмі абмяжоўвае сябе ў мучных вырабах. Можа быць, мы яе парадуем сушы. Канешне, я абавязкова што-небудзь прыгатую”.
Адкуль узяўся такі псеўданім – Дакота?
“Яна вельмі доўга думала, як ёй назваць сябе ў творчым жыцці. Потым яна неяк напаткала ў Інтэрнэце гэты псеўданім, які з партугальскай азначае “разнастайная, шматгранная і незвычайная”. Гэта ёй вельмі спадабалася”.
Напэўна, вы вельмі хвалюецеся, не страшна было адпускаць Маргарыту ў Маскву?
“Я заўсёды падтрымліваю яе ў яе жаданнях. Таму што яна вельмі творчая дзяўчынка, з вялікай працаздольнасцю. Яна з 10 год выдумляла свае песні. Іх у яе дастаткова шмат. І калі я ўчытывалася ў яе вершы, я адразу зразумела, што яна чалавек не па-дзіцячы разумны. Таму што тэксты яе песень цалкам філасофскія. Зараз такі першы іспыт. Мы з ёй вельмі блізкія. Калі я зараз бачу яе твар у Інтэрнэце, ён, канешне, крыху сумны. Цяжка ёй было ад мяне адарвацца, а мне цяжка без яе – мы як адзінае цэлае”.
У “зорны дом” Маргарыта паехала не адна. Як распавяла маці спявавачкі, з Маргарытай заўсёды яе талісман:
“Грэмлін, і завуць яго Грыша. Гэты грэмлін аб’ехаў з ёй увесь свет. Гэта яе талісман з самага дзяцінства. Ён прыносіць ёй шчасце і поспех. І зараз ён з ёй”.
Застаецца пажадаць Маргарыце поспехаў і рэалізацыі ўсіх яе творчых планаў.
Фота — Svetozar
