Будуць судзіць банкаўскага работніка, які скраў 400 тысяч долараў
Злачынства было ўчынена ў 2010 годзе ў адным з банкаў Магілёва.
Абвінавачаны працаваў загадчыкам сектарам банкаўскага абслугоўвання юрыдычных асоб. Выкарыстоўваючы свае службовыя паўнамоцтвы, ён завалодаў грашовымі сродкамі, якія належылі Магілёўскаму заводу штучнага валакна. Мужчына скарыстаўся святочнымі і выхаднымі днямі, зняў значную суму грошай (каля 400 тысяч долараў) і знік.
Банкаўскага работніка аб'явілі ў міжнародны вышук. У лютым сёлета яго затрымалі ў расійскім горадзе Ліпецк і перадалі беларускім праваахоўнікам. Па словах 41-гадовага абвінавачанага, скрадзеныя грошы ён патраціў "на розныя забавы".
Расследаванне крымінальнай справы ўжо завершанае і яе перададуць у суд, інфармуе БЕЛТА.
Фота — Fotolia