Буцікі, што працуюць па франшызе, не абавязаныя мець беларускія тавары
У Мінгандлю распавялі, ці прыйдуць яны з праверкай у крамы з фірмовымі сусветнымі брэндамі.
19 снежня кантралёры ад Міністэрства гандлю закрылі 21 краму “Мегатоп” за адсутнасць абавязковага шэрагу беларускіх тавараў. Еўрарадыё пацікавілася ў ведамстве, ці з’яўляюцца парушальнікамі крамы сусветных брэндаў?
“Гледзячы якая гэта фірмовая марка. Калі гэта “Adidas”, напрыклад, то там яны працуюць па франшызе, у іх адпаведныя дамовы ёсць, — распавядае Еўрарадыё супрацоўнік міністэрства. — А калі ў іх звычайны буцік, то яны мусяць мець айчынны тавар. Але гэта не значыць, што яны толькі айчынным мусяць гандляваць. Дадатковы асартымент — любы імпартны тавар”.
Мінгандлю: Калі крамы тэхнікі не запоўняць паліцы, прымем жорсткія меры
Фота — Fotolia
